Сирдарёда ўқитувчи МИБ орқали ишга тикланди
Ходим иш берувчи томонидан ноқонуний равишда ишдан бўшатилган деб топилиб, суд қарори асосида аввалги лавозимига тикланиши белгиланган.
Мажбурий ижро бюросининг Сайхунобод туман бўлими томонидан фуқаролик ишлари бўйича Сирдарё туманлараро суднинг қарори ижроси таъминланди.
Мазкур ижро ҳужжатига кўра, тумандаги умумтаълим мактаби ўқитувчиси иш берувчи томонидан ноқонуний равишда ишдан бўшатилган деб топилиб, суд қарори асосида аввалги лавозимига тикланиши белгиланган.
Мажбурий ижро бюроси давлат ижрочиси томонидан олиб борилган ижро ҳаракатлари натижасида суд қарори тўлиқ таъминланди.
Натижада ўқитувчи ўзининг аввалги иш жойига тикланиб, меҳнат қилиш ҳуқуқи қайта таъминланди.
Мажбурий ижро бюроси томонидан фуқароларнинг меҳнат ҳуқуқлари ва қонуний манфаатларини ҳимоя қилишга қаратилган суд қарорларининг ўз вақтида ва тўлиқ ижро этилиши таъминланмоқда.
