Жиззахда электрдан қарздорлик сабаб автомашина хатланди
Вилоятда коммунал қарздорликлар МИБ орқали ундирилмоқда.
Мажбурий ижро бюросининг Пахтакор туман бўлими иш юритувида бўлган ижро ҳужжатига асосан, қарздор К.С.дан электр тармоқлари корхонаси фойдасига мавжуд қарздорликни ундириш белгиланган эди.
Ижро ҳужжати талабларини таъминлаш мақсадида Бюро ходимлари томонидан қарздорнинг молиявий мажбуриятларини бажариши юзасидан тегишли ижро ҳаракатлари амалга оширилди.
Ўрганишлар давомида қарздорга тегишли автомашина аниқланиб, қонунчиликда белгиланган тартибда мазкур транспорт воситаси хатловга олинган.
Ушбу чора қарздорликни ундириш, суд ҳужжати ижросини таъминлаш ҳамда ундирувчининг қонуний манфаатларини ҳимоя қилиш мақсадида амалга оширилди.
