Европа Иттифоқи Венесуэлага 5 млн евро ажратди
ЕИ мамлакатга ёрдам сифатида қидирув-қутқарув гуруҳлари ва тиббиёт ходимларини сафарбар қилди.
Европа Иттифоқи Венесуэлада содир бўлган вайронкор зилзилалар оқибатларини бартараф этиш мақсадида 5 миллион евро миқдорида фавқулодда ёрдам ажратди. Бу ҳақда Европа Иттифоқининг ташқи ишлар ва хавфсизлик сиёсати бўйича олий вакили Кая Каллас маълум қилди.
Қайд этилишича, Европа Иттифоқи зарар кўрган ҳудудларни қўллаб-қувватлаш мақсадида Фуқаролик ҳимояси механизмини ҳам ишга туширган. Унинг доирасида бир қатор аъзо давлатлар қидирув-қутқарув гуруҳлари, ўт ўчирувчилар ҳамда тиббиёт ходимларини Венесуэлага юборган.
Кая Каллас Венесуэла вақтинчалик президенти Делси Родригес билан ўтказилган мулоқотдан сўнг зилзила қурбонларининг яқинларига ҳамдардлик билдириб, Европа Иттифоқи Венесуэла халқи билан бирдам эканини таъкидлаган.
