1 июлдан айрим ИЭСларда электр энергияси ишлаб чиқариш тарифлари оширилади
Аҳоли учун электр нархлари ўзгармайди.
Вазирлар Маҳкамаси ҳузуридаги Идоралараро тариф комиссиясининг тегишли баёнига мувофиқ, 2026 йил 1 июлдан айрим иссиқлик электр станцияларида электр энергиясини ишлаб чиқариш тарифлари оширилади.
Янги тарифлар "Иссиқлик электр станциялари" АЖ, "Ангрен ИЭС" АЖ, "Янги Ангрен ИЭС" АЖ, "Талимаржон ИЭС" АЖ ҳамда "Тахиатош ИЭС" АЖ томонидан ишлаб чиқариладиган электр энергиясига татбиқ этилади.
Қайд этилишича, мазкур тарифлар электр энергиясининг ички тармоқ нархи ҳисобланади ва ягона харидор — «Ўзенергосотиш» АЖ учун белгиланади.
Шу муносабат билан ушбу ўзгаришлар аҳоли ва бошқа истеъмолчилар учун амалдаги электр энергияси тарифларига татбиқ этилмайди.
