Сирдарёлик ота четга чиқиш учун 140 млн алимент тўлади
Шу тариқа эркак 5 йиллик алимент пулларини олдиндан тўлаб, четга чиқиш ҳуқуқини тиклаган.
Мажбурий ижро бюросининг Сайхунобод туман бўлими иш юритувидаги ижро ҳужжатига кўра, қарздор Б.Ж.дан ундирувчи А.Ш. фойдасига вояга етмаган фарзандининг моддий таъминоти учун алимент ундириш белгиланган.
Ижро ҳаракатлари давомида қарздор отанинг четга чиқиш ҳуқуқи вақтинча чекланган. Бироқ қарздор ишлаш мақсадида четга чиқмоқчи эканлигини билдириб, амалий ёрдам сўраган.
Қарздорга ижро ҳужжатида тарафларнинг ҳуқуқ ва мажбуриятлари ҳамда алимент тўловларини олдиндан тўлаш тартиби тушунтирилган.
Натижада қарздор ота давлат ижрочиси томонидан ҳисоблаб берилган беш йиллик, 140 миллион сўм алимент пулларини олдиндан тўлаб берганлиги боис, унинг четга чиқишига қўйилган чеклов бекор қилинди.
