АҚШдаги савдо марказида юз берган отишмада икки киши ҳалок бўлди
Маълумотларга кўра, қуролли можаро бир-бирини таниган икки гуруҳ ёшлар ўртасидаги жанжал оқибатида юзага келган.
АҚШнинг Мичиган штати Дирборн шаҳридаги Fairlane Town Center савдо марказида содир бўлган отишма оқибатида икки киши ҳалок бўлди, яна бир киши жароҳат олди, деб хабар берди СBS News.
Хабарларга кўра, ҳодиса 3 июль куни маҳаллий вақт билан соат 13:30 атрофида юз берган. Дастлаб уч киши ўқ жароҳати олган. Улардан бири воқеа жойида, яна бири шифохонада вафот этган. Жароҳатланган учинчи шахсга тиббий ёрдам кўрсатилмоқда.
Полицияси маълумотига кўра, отишма бир-бирини таниган икки гуруҳ ёшлар ўртасида юзага келган жанжал оқибатида содир бўлган. Дастлабки тергов натижаларига кўра, можаро вақтида ҳар икки томонда ҳам ўқотар қурол бўлган.
Эвакуация вақтида савдо марказидан чиқиб кетаётган бир фуқаро яқин атрофдаги автомобиль уриб юбориши оқибатида жароҳат олган. Унинг аҳволи ҳақида расмий маълумот берилмаган.
Воқеадан сўнг савдо маркази тўлиқ эвакуация қилиниб, тергов ишлари олиб борилиши учун вақтинча ёпилган.
Ҳозирча ҳодиса юзасидан ҳеч ким ҳибсга олинмаган. Гумонланувчилар сўроқ қилинмоқда.
