Балиқчиликни ривожлантириш ва қўллаб-қувватлаш жамғармаси ташкил этилади

Ўзбекистонда Балиқчиликни ривожлантириш ва қўллаб-қувватлаш жамғармаси ташкил этилади. Бу ҳақда “Ҳуқуқий ахборот” Теlegram-канали хабар берди.

 

Ҳужжатга кўра, янги жамғарма “Ўзбекбалиқсаноат” уюшмасининг Балиқчиликни ривожлантириш жамғармаси негизида тегишли марказ ҳузурида фаолият юритади.

 

Шунингдек, 2027 йил 1 майга қадар балиқчилик хўжаликларида сув ресурсларидан фойдаланиш, балиқ етиштириш ҳажми, озуқа сарфи, қўлланилаётган технологиялар ҳамда ижарага бериладиган сув объектлари ҳисобини ягона тизимда юритиш имконини берувчи “e-baliq” электрон платформаси ишга туширилади.

 

Фармонга мувофиқ, 2027/2028-ўқув йилидан бошлаб Тошкент давлат аграр университети ҳамда Хитойнинг Далиян университети ҳамкорлигида балиқчилик ва аквакултура йўналиши бўйича қўшма факультет ташкил этилади.

 

Мазкур факультетга ҳар йили давлат гранти асосида 50 нафаргача абитуриент қабул қилинади. Таълим жараёни “2+1” модели асосида ташкил этилади, қабул квоталари эса ҳар йили давлат буюртмаси параметрларига мувофиқ тасдиқланади.