Шри-Ланкадаги қамоқхонада ғалаён: 25 киши ҳалок бўлди
Тартибсизликлар оқибатида қарийб 100 киши турли даражада жароҳат олган.
Шри-Ланканинг Негомбо шаҳридаги қамоқхонада юз берган тартибсизликлар оқибатида камида 25 киши ҳалок бўлди, қарийб 100 киши турли даражада жароҳат олди.
Расмий маълумотларга кўра, ғалаён аввал бир кун олдин бошланиб, дастлаб икки нафар маҳбус ҳалок бўлган. Эртаси куни эрталаб вазият яна кескинлашиб, юз берган янги тўқнашувлар оқибатида яна 23 киши ҳаётдан кўз юмган.
Қайд этилишича, қурбонлар орасида 5 нафар қамоқхона қўриқчиси ва 20 нафар маҳбус бор. Ҳодиса оқибатида 100 га яқин киши жароҳат олган.
Воқеадан сўнг ҳудудда хавфсизлик чоралари кучайтирилиб, қўшимча полиция кучлари жалб этилган. Ҳозирда ҳодиса юзасидан тергов ҳаракатлари олиб борилмоқда.
