Теҳрондаги бош масжидга қасос рамзи бўлган қизил байроқ кўтарилди
Қизил байроқ Эронда тарихан қасос олинмаган қон рамзи сифатида талқин қилинади.
Эрон пойтахти Теҳрондаги Имом Хомейний Мосаллоҳ диний мажмуаси гумбази устига қасос рамзи сифатида талқин қилинадиган қизил байроқ кўтарилди. Бу ҳақда ТАСС агентлиги мухбири хабар берди.
Мазкур мажмуада сўнгги уч кун давомида Эроннинг марҳум Олий раҳбари Али Хоманаий билан видолашув маросимлари ўтказилди. Расмий маълумотларга кўра, маросимда унинг тобути олдига ҳурмат бажо келтириш учун бир неча миллион киши ташриф буюрган.
Видолашув тадбирлари Теҳроннинг турли ҳудудларида ҳам давом этди. Минглаб фуқаролар қўлларида давлат байроқлари ва марҳум раҳбар портретлари билан кўчаларга чиқиб, мамлакат раҳбариятини қўллаб-қувватлашларини билдирди.
Расмийлар яқин кунларда Али Хоманаийнинг жасади шаҳар бўйлаб олиб ўтиладиган оммавий дафн маросими ўтказилишини маълум қилган. Унга 15–20 миллион киши ташриф буюриши кутилмоқда.
Қизил байроқ Эрон шиа анъаналарида тарихан қасос олинмаган қон рамзи сифатида талқин қилинади. Бироқ унинг кўтарилиши ҳар доим ҳам муайян ҳарбий ҳаракат бошланишини англатмайди; у рамзий ва диний маънога ҳам эга.
