Жиззахлик ота алимент ўрнига икки хонали уй берди
Шу тариқа у келгуси алимент тўловларини олдиндан қоплаган.
Жиззах вилояти Шароф Рашидов туманида ўтказилаётган алимент тадбирлари давомида яна бир ижобий натижага эришилди.
Бюронинг Шароф Рашидов тумани бўлими давлат ижрочиси томонидан амалга оширилган қатъий ва самарали ижро чоралари натижасида икки нафар фарзанди учун алимент тўлашдан қарздор бўлган ота ўз мажбуриятини бажарди.
Қарздор фарзандларининг таъминоти учун юзага келган қарздорлик ҳамда келгуси алимент тўловларини олдиндан қоплаш мақсадида умумий қиймати 500 миллион сўмлик Жиззах шаҳрида жойлашган икки хонали уйни алимент ундирувчи она номига берди.
Бу амал нафақат қарздорликнинг бартараф этилиши, балки икки нафар фарзанднинг келажаги учун мустаҳкам ижтимоий кафолат яратилганининг амалий ифодаси бўлди.
