Сардор Умурзоқов янги лавозимга тайинланди
Президент фармонлари билан Стратегик ривожланиш ва ислоҳотлар агентлиги тизимида кадрлар ўзгариши амалга оширилди.
Ўзбекистон Президенти фармонлари билан Президент Администрацияси ва Стратегик ривожланиш ва ислоҳотлар агентлиги тизимида қатор кадрлар ўзгаришлари амалга оширилди.
Унга кўра, Сардор Уктамович Умурзоқов Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги директори этиб тайинланди. Шу муносабат билан у Ўзбекистон Президентининг стратегик ривожланиш бўйича маслаҳатчиси лавозимидан озод этилди.
Шунингдек, Президент фармонига асосан Ўзбекистон Республикаси Президентининг стратегик ривожланиш бўйича маслаҳатчиси лавозими тугатилди.
Бундан ташқари, Абдулла Мамасаатович Абдуқодиров бошқа ишга ўтиши муносабати билан Ўзбекистон Президенти ҳузуридаги Стратегик ривожланиш ва ислоҳотлар агентлиги директори вазифасини бажарувчиси лавозимидан озод этилди.
Маълумот учун, Сардор Умурзоқов 2023 йил август ойида Президентнинг махсус топшириқлар бўйича маслаҳатчиси этиб тайинланган. 2025 йил июль ойидан буён эса Президентнинг стратегик ривожланиш бўйича маслаҳатчиси лавозимида фаолият юритиб келаётган эди.
