IPhO 2026: Ўзбекистон халқаро физика олимпиадасида тарихий натижа қайд этди
Колумбияда ўтказилган нуфузли олимпиадада ўқувчилар 2 та кумуш, 2 та бронза медални қўлга киритди.
Ўзбекистон терма жамоаси Колумбияда бўлиб ўтган 56-Халқаро физика олимпиадасида (IPhO–2026) тарихдаги энг юқори натижани қайд этди.
Жорий йилнинг 4–12 июль кунлари Колумбияда ўтказилган нуфузли халқаро олимпиадада мамлакатимиз шарафини ҳимоя қилган ўқувчилар 2 та кумуш, 2 та бронза медални қўлга киритди.
Мусобақада қуйидаги натижалар қайд этилди:
-
Асилбек Жуманазаров — «ТИҚХММИ» Миллий тадқиқот университети ҳузуридаги аниқ фанларга ихтисослаштирилган мактаб;
-
Муҳаммад Абдумаликов — Мирзо Улуғбек номидаги ихтисослаштирилган мактаб;
-
Элбек Уроқов — «ТИҚХММИ» Миллий тадқиқот университети ҳузуридаги аниқ фанларга ихтисослаштирилган мактаб;
-
Ҳасан Камолов — Қўқон шаҳридаги 1-сон ихтисослаштирилган мактаб;
-
Жавоҳир Акназаров — Мирзо Улуғбек номидаги ихтисослаштирилган мактаб (Honorable Mention).
Мазкур натижа Ўзбекистон терма жамоаси учун тарихий аҳамиятга эга бўлиб, мамлакатимиз вакиллари илк бор Халқаро физика олимпиадасида икки кумуш медални қўлга киритди. Бу эса жамоанинг IPhOдаги иштироки тарихидаги энг юқори натижа бўлди.
Халқаро физика олимпиадаси (IPhO) дунёнинг энг нуфузли фан мусобақаларидан бири бўлиб, унда иштирокчилар мураккаб назарий ва экспериментал масалаларни ечиш орқали ўз билим ва салоҳиятини намойиш этади.
