АҚШ Эроннинг 13 та шаҳрига зарба берди
Ҳаво ҳужумлари оқибатида қурбонлар ҳақида ҳозирча расмий маълумот берилмаган.
АҚШ ҳарбийлари Эроннинг камида 13 та шаҳрига янги ҳаво ҳужумларини амалга оширди. Бу ҳақда Эроннинг NourNews агентлиги хабар берди.
Маълум қилинишича, зарбалар Абадан, Аҳваз, Бандар Аббос, Бандар Маҳшаҳр, Беҳбаҳон, Бушеҳр, Жаск, Дезфул, Қешм, Сирик, Хондаб, Хуррамшаҳр ва Эндимешк шаҳарларига йўналтирилган.
Ҳозирча ҳаво ҳужумлари оқибатида ҳалок бўлганлар ёки жабрланганлар ҳақида расмий маълумот берилмаган.
Аввалроқ АҚШ Марказий қўмондонлиги (СENТСОМ) Америка ҳарбийлари Эрон ҳудудидаги нишонларга қарши навбатдаги зарбалар бошланганини тасдиқлаган эди.
Маҳаллий манбалар ва халқаро кузатувчилар минтақадаги вазиятни кузатишда давом этмоқда. Эрон расмийларининг мазкур ҳужумлар юзасидан расмий баёноти ҳозирча эълон қилинмаган.
