АҚШ Эроннинг қурол ишлаб чиқариш қувватининг 84 фоизини йўқ қилди
АҚШ президенти Эрон ҳарбий саноатига катта зарар етказилганини таъкидлади.
АҚШ президенти Доналд Трамп Эроннинг қурол ишлаб чиқариш қувватининг қарийб 84 фоизи йўқ қилинганини маълум қилди.
Newsmax телеканалига берган интервьюсида Трамп АҚШнинг Эрон ҳудудига берган зарбалари натижасида Теҳрон қурол ишлаб чиқариш салоҳиятига жиддий путур етганини таъкидлаган.
Унинг сўзларига кўра, Эрон қурол ишлаб чиқариш имкониятини деярли йўқотган.
“Улар қурол ишлаб чиқариш қобилиятини деярли йўқотди. Гап тахминан 84 фоиз ишлаб чиқариш қувватининг йўқ қилингани ҳақида кетмоқда”, — деган Трамп.
АҚШ президенти, шунингдек, икки томон ўртасидаги ҳарбий ҳаракатлар давом этаётганини қайд этган. Унинг айтишича, Эрон юкларини ташувчи кемаларга нисбатан Ҳормуз бўғозида чекловлар жорий этилади, бироқ бошқа давлатларнинг танкерларига ушбу денгиз йўлаги орқали эркин ҳаракатланишга рухсат берилади.
Трампнинг мазкур баёнотлари юзасидан Эрон расмийлари ҳозирча расмий муносабат билдирмаган.
