Бугун 7 та ҳудудда чанг-тўзон кузатилиш мумкин
Шамол тезлиги 18 м/с гача кучайиши прогноз қилинмоқда.
Ўзгидромет Ўзбекистоннинг айрим ҳудудларида чанг-тўзон кузатилиши мумкинлиги ҳақида огоҳлантирди.
Маълумотга кўра, 14 июль куни кундузи Қорақалпоғистон Республикаси, Хоразм, Бухоро, Навоий, Қашқадарё, Самарқанд ва Жиззах вилоятларининг айрим ҳудудларида шамол тезлиги 13–18 м/с гача кучайиши, айрим жойларда эса чанг-тўзон кузатилиши мумкин.
Мутахассислар фуқароларга зарурат бўлмаганда очиқ ҳавода узоқ вақт қолмаслик, кучли шамол ва чанг-тўзон вақтида эҳтиёт чораларига амал қилишни тавсия этмоқда.
Аввалроқ Ўзгидромет 13–17 июль кунлари Ўзбекистон ҳудудига жанубдан жуда иссиқ ҳаво оқимлари кириб келиши натижасида ҳаво ҳарорати кескин кўтарилиши кутилаётгани ҳақида ҳам огоҳлантирган эди.
