Йил бошидан буён 18 нафар ИИО ходими хизмат вақтида ҳалок бўлди
78 нафари ходим хизмат вазифасини бажариш жараёнида жароҳат олган.
Ички ишлар вазири ўринбосари Рамазон Ашроповнинг маълум қилишича, жорий йил давомида хизмат бурчини адо этиш вақтида 18 нафар ходим вафот этган, 78 нафар ходим эса турли хавфли вазиятларни бартараф этиш жараёнида жароҳат олган.
Шунингдек, 2026 йилнинг дастлабки олти ойида гиёҳвандлик воситаларининг ноқонуний муомаласига қарши кураш доирасида 8 653 та жиноят иши қўзғатилган.
Ўтказилган тезкор тадбирлар натижасида жиноий гуруҳлар ва шахслардан 2 тонна 733 килограмм гиёҳвандлик воситалари, жумладан 52 килограммдан ортиқ синтетик моддалар ҳамда 2 миллион 651 минг дона кучли таъсир қилувчи дори воситалари мусодара қилинган.
