Бекободда кредит қарзи сабаб фуқаронинг уйи хатланди
Тураржой аукционга чиқарилгач, қарздор кредитни тўлашга мажбур бўлган.
Мажбурий ижро бюросининг Тошкент вилояти бошқармаси алоҳида муҳим ижро ишларини ижро этиш шўъбаси иш юритувига Фуқаролик ишлари бўйича Бекобод туманлараро судининг ижро ҳужжатига асосан қарздор Г.П.дан ундирувчи банк фойдасига 224 млн. 169 минг сўм қарздорликни ундириш ҳамда ундирувни гаровга қўйилган турар жой биносига қаратиш белгиланган.
Қонун талабларига мувофиқ, қарздорга қарзни ихтиёрий равишда қоплаш учун муддат берилган. Бироқ белгиланган муддатда қарздорлик бартараф этилмагани сабабли мажбурий ижро ҳаракатлари амалга оширилган.
Гаров мулки сифатида қайд этилган турар жой биноси белгиланган тартибда аукцион савдосига 06.07.2026 йилда чиқарилгандан сўнг қарздор томонидан барча қарздорликлар тўлиқ тўланган.
Ҳозирги кунда ижро иши амалдаги қонунчилик талабларига асосан тамомланган.
