Фарғонада қарийб 1 млрд сўмлик дори ва тамаки ёқиб юборилди
Маълум бўлишича, инсон саломатлиги учун зарарли ва сифатсиз деб топилган.
Фарғона вилоятида инсон саломатлигига хавф туғдириши мумкин бўлган катта миқдордаги дори воситалари ва тамаки маҳсулотлари қонун талаблари асосида йўқ қилинди.
Мажбурий ижро бюроси Фарғона шаҳар бўлими томонидан Ўзбекистон Республикаси Вазирлар Маҳкамасининг 2009 йил 15 июлдаги 200-сон қарори талабларига мувофиқ, Тошлоқ туманидаги чиқинди полигони ҳудудида давлат даромадига ўтказилган ашёвий далилларни йўқ қилиш ишлари амалга оширилган.
Ижро ҳаракатлари давомида умумий қиймати 638 миллион сўмлик 23 та ижро ҳужжати бўйича дори воситалари ҳамда 335 миллион 916 минг сўмлик 14 та ижро ҳужжати бўйича тамаки маҳсулотлари белгиланган тартибда йўқ қилинди.
Бу билан жами 37 та ижро ҳужжати бўйича талаблар тўлиқ таъминланиб, ижро ҳаракатлари амалда якунланди.
