Тошкентда фуқаро кредит қарзи сабаб машинасидан айрилди
У шартнома бўйича мажбуриятини бажармаган ва ZEEKR русумли автотранспорт воситаси аукционга чиқарилган.
МИБнинг Тошкент шаҳар бошқармаси иш юритувида Фуқаролик ишлари бўйича Миробод туманлараро судининг 2026 йил 23 январдаги ижро варақасига асосан қарздор А.Х.дан ундирувчи банк фойдасига 103 505 932 сўм кредит қарздорлигини ундириш тўғрисидаги ижро ҳужжати мавжуд.
Суд қарори қонуний кучга киргач, қарздорга қарздорликни ихтиёрий равишда тўлаш учун қонунчиликда белгиланган муддат берилди. Бироқ у ўз зиммасига олган молиявий мажбуриятни бажармаган.
Шундан сўнг давлат ижрочиси томонидан мажбурий ижро ҳаракатлари амалга оширилиб, кредит таъминоти сифатида гаровга қўйилган қарздорга тегишли ZEEKR русумли автотранспорт воситаси хатланди, унга нисбатан тақиқ қўйилди ҳамда вақтинча сақлаш учун банк ҳудудига жойлаштирилди.
Айни пайтда мазкур автомашинани электрон онлайн-аукцион савдоларига чиқариш бўйича тегишли чоралар кўрилмоқда.
