Украина ҳукумати истеъфога чиқди
Олий Рада Юлия Свйрйденкони бош вазир лавозимидан озод қилди.
Украина Олий Радаси Бош вазир Юлия Свйрйденкони лавозимидан озод қилиш тўғрисидаги қарорни маъқуллади. Натижада мамлакат Вазирлар Маҳкамаси тўлиқ таркибда истеъфога чиқди.
Маҳаллий ОАВ маълумотларига кўра, мазкур қарорни 258 нафар депутат қўллаб-қувватлаган.
Ҳукуматнинг янги таркиби шакллантирилгунга қадар Бош вазирнинг биринчи ўринбосари ва энергетика вазири Денис Шмйҳал ҳукумат раҳбари вазифасини вақтинча бажаради. Янги бош вазирни 16 июль куни тасдиқлаш режалаштирилган.
Президент Владимир Зеленский аввалроқ мамлакат сиёсий стратегиясини янгилаш мақсадида Вазирлар Маҳкамаси таркибини ўзгартириш зарурлигини маълум қилган эди. Унинг таъкидлашича, кадрлар алмашинуви давлат бошқаруви самарадорлигини ошириш ва ташқи сиёсатнинг устувор йўналишларини кучайтиришга хизмат қилади.
Давлат раҳбари Юлия Свйрйденкога бош вазир сифатидаги фаолияти учун миннатдорлик билдириб, уни Украина учун муҳим бўлган янги йўналишлардан бирига раҳбарлик қилишга таклиф этганини ҳам маълум қилган.
