Навоийда ИИБ терговчисига нисбатан жиноят иши қўзғатилди
У олиб қўйилган телефонни қайтариш эвазига 1000 АҚШ доллари олган.
Навоий вилоятида хизмат мавқеидан фойдаланиб, ноқонуний равишда моддий манфаат орттиришга уринган Ички ишлар органлари ходимининг ноқонуний ҳаракатларига чек қўйилди.
Давлат хавфсизлик хизмати ҳамда Бош прокуратура ҳузуридаги Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда Қизилтепа тумани ИИБ Тергов гуруҳи катта терговчиси қўлга олинди.
Аниқланишича, терговчи жорий йилнинг 1 июль куни телефони хотирасида тақиқланган диний материаллар мавжуд бўлиши эҳтимоли билан олиб қўйилган iPhone 17 Pro Max русумли мобил телефонни эгасига қайтариб бериш эвазига икки нафар воситачи орқали 1000 АҚШ доллари олган.
Тезкор тадбир давомида мансабдор шахснинг ноқонуний ҳаракатларига чек қўйилган.
Мазкур ҳолат юзасидан терговчига нисбатан жиноят иши қўзғатилган бўлиб, ҳозирда дастлабки тергов ҳаракатлари олиб борилмоқда.
