Россияга келган мигрантларнинг телефон сотиб олиши мажбурий қилиниши мумкин

 

Россияда меҳнат фаолияти ёки узоқ муддатли яшаш мақсадида мамлакатга кираётган хорижий фуқаролар, жумладан мигрантлар учун мобил телефон харид қилиш мажбурий этиб белгиланиши мумкин. Бу ҳақда Россия Ички ишлар вазири ўринбосари Игор Зубов маълум қилди дейди РБК.

 

Унинг сўзларига кўра, мамлакатга келган мигрантлар рўйхатдан ўтиш жараёнида мобил телефон харид қилади ва ушбу қурилмага уларнинг электрон профили бириктирилади. Бу орқали ҳуқуқни муҳофаза қилувчи органлар мигрантларнинг жойлашуви ва яшаш манзилидаги ўзгаришларни назорат қилиши мумкин бўлади.

 

Таъкидланишича, мазкур тизим мигрантларнинг бир ҳудуддан бошқасига кўчиши ёки яшаш жойини ўзгартиришини назорат қилиш, шунингдек, уларга ҳужжатлар амал қилиш муддати тугаши ёки зарур расмий жараёнлар ҳақида ўз вақтида хабарнома юбориш имконини беради.

 

Маълумот учун, 2025 йил 1 cентябрдан Москва вилоятида «Амина» мобил иловаси синов тариқасида жорий этилган. Илова геолокация орқали фойдаланувчининг жойлашуви ҳақида Ички ишлар вазирлигига маълумот узатади ва Россияга визасиз кирган вояга етган мигрантлар учун ундан фойдаланиш мажбурий ҳисобланади.

 

Россия Ички ишлар вазирлиги маълумотига кўра, геолокация маълумотлари уч иш куни давомида тизимга узатилмаган 139 мингдан ортиқ мигрант миграция ҳисобидан чиқарилган.