АҚШ хорижий талабалар ва журналистлар визаси муддатини қисқартиради
Янги тартиб Федерал реестрда эълон қилинганидан 60 кун ўтиб кучга кириши мумкин.
АҚШ хорижий талабалар, журналистлар ҳамда маданий алмашинув дастурлари иштирокчилари учун виза бериш тартибини ўзгартиришни режалаштирмоқда. Бу ҳақда Reuters АҚШ Ички хавфсизлик департаменти ҳужжатларига таяниб хабар берди.
Маълум қилинишича, янги тартибга кўра F тоифасидаги талаба визалари ва J тоифасидаги маданий алмашинув визаларининг амал қилиш муддати тўрт йилгача этиб белгиланади.
Шунингдек, I тоифасидаги журналистлар визасининг амал қилиш муддати 240 кунгача, Хитой фуқаролари учун эса 90 кунгача этиб чекланади. Ҳозирда хорижий ОАВ вакилларига одатда бир неча йил муддатга виза берилади.
Амалдаги тартибга кўра, мазкур визалар одатда ўқиш, меҳнат ёки алмашинув дастурининг давомийлиги асосида расмийлаштирилади.
Реутерсънинг қайд этишича, янги қоида Федерал реестрда эълон қилинганидан 60 кун ўтиб кучга кириши режалаштирилган. Ҳужжат, шунингдек, Конгресс томонидан кўриб чиқилиши керак.
