Энергетика тизимида битирувчиларни ишга қабул қилиш бошланди

 

Давлат раҳбарининг 30 июнь куни берган топшириғи ижроси доирасида Энергетика вазирлиги ташаббуси билан Тошкент давлат техника университетида олий таълим муассасалари битирувчилари учун очиқ мулоқот ва бўш иш ўринлари ярмаркаси ташкил этилди.

 

     

 

Тадбирда Энергетика вазири Жўрабек Мирзамаҳмудов, энергетика тизимидаги йирик корхона ва ташкилотлар раҳбарлари ҳамда Тошкент давлат техника университети, И.М. Губкин номидаги Нефть ва газ университети, «ТИҚХММИ» Миллий тадқиқот университети ва И.Д. Менделеев номидаги Кимё-технология университети раҳбарлари иштирок этди.

 

     

 

Очиқ мулоқот давомида битирувчиларга энергетика корхоналаридаги бўш иш ўринлари, меҳнат шароитлари ва касбий ривожланиш имкониятлари ҳақида батафсил маълумот берилди.

 

Шунингдек, тадбирда "100 нафар ёш энергетик" лойиҳасига старт берилгани эълон қилинди. Мазкур лойиҳа доирасида истиқболли ёш мутахассислар сараланиб, нуфузли хорижий компанияларда стажировка ўташи ҳамда келгусида раҳбар кадрлар захирасига киритилиши режалаштирилган.

 

   

 

Тадбир якунида Энергетика вазирлиги ва олий таълим муассасалари ўртасида ҳамкорлик меморандумлари имзоланди.

 

Маълум қилинишича, ярмарка давомида 100 нафардан ортиқ битирувчи иш берувчилар билан учрашган, 80 нафардан ортиғи эса мавжуд бўш иш ўринлари бўйича дастлабки суҳбат босқичига таклиф этилган.