2030 йилги Жаҳон чемпионати олтита мамлакатда ўтказилади
Турнирнинг 100 йиллиги муносабати билан Жаҳон чемпионатини 64 та жамоа иштирокида ўтказиш таклиф қилинди.
2030 йилги Жаҳон чемпионатида 64 та терма жамоа иштирок этиши мумкин. Бу таклифни Жанубий Америка Футбол Конфедерацияси (CONMEBOL) президенти Алежандро Домингес илгари сурди.
Унинг таъкидлашича, 2030 йилда футбол бўйича илк Жаҳон чемпионатининг 100 йиллиги нишонланади ва ушбу тарихий сана муносабати билан турнирни рекорд даражадаги — 64 та жамоа иштирокида ўтказиш мақсадга мувофиқ бўлади.
2030 йилги мундиал тарихда илк бор олти давлат мезбонлигида ташкил этилади. Асосий учрашувлар Испания, Португалия ва Марокашда ўтказилса, турнирнинг очилиш ўйинлари Уругвай, Аргентина ва Парагвайда бўлиб ўтади.
Эслатиб ўтамиз, 2026 йилги Жаҳон чемпионати тарихда илк бор 48 та жамоа иштирокида ўтказилди. Мазкур формат ўйинлар сонини 64 тадан 104 тага етказган эди.
Аввалроқ FIFА президенти Жанни Инфантино ҳам келажакда Жаҳон чемпионати иштирокчилари сонини 64 тага ошириш имконияти кўриб чиқилиши мумкинлигини билдирган. Ҳозирча бу борада якуний қарор қабул қилингани йўқ.
2026 йилги FIFА Жаҳон чемпионатида Испания ғолиб бўлган эди.
