АҚШ мигрантлар учун 14 та янги сақлаш маркази қуришни режалаштирмоқда
Маъмурият кунига 2 минг нафар мигрантни ҳибсга олиш бўйича режа устида ишламоқда.
АҚШ маъмурияти мигрантларни вақтинча сақлаш инфратузилмасини кенгайтириш мақсадида мамлакатнинг турли ҳудудларида 14 та янги муассаса қуришни режалаштирмоқда. Бу ҳақда Тime журнали хабар берди.
Нашр маълумотига кўра, АҚШ Иммиграция ва божхона назорати хизмати (IСE) мигрантларни ҳибсга олиш ҳажмининг ортиши сабабли мавжуд сақлаш марказларида жой танқислигига дуч келмоқда. Шу муносабат билан Гуантанамо кўрфази, Виржиния ороллари ва бошқа ҳудудларда янги муассасалар қурилиши учун пудратчилар қидирилмоқда.
Тиме манбаларига кўра, АҚШ маъмурияти кунига 2 минг нафар мигрантни ҳибсга олиш бўйича мақсадли кўрсаткич белгилаган.
Қайд этилишича, IСE аввалроқ тижорат омборларини мигрантлар сақлаш марказларига айлантириш учун 1 миллиард доллар ажратган. Бироқ ушбу лойиҳаларнинг аксарияти экологик ташкилотларнинг суд даъволари сабаб тўхтаб қолган.
Нашр ҳисоб-китобларига кўра, янги дастур умумий қиймати 10 миллиард долларга баҳоланмоқда.
Режаларга мувофиқ, Гонолулу ороли, Маями, Техас, Аризона, Нью-Ёрк, Иллинойс, Луизиана ва Пуэрто-Рикода ҳам мигрантларни сақлаш инфратузилмасини кенгайтириш кўзда тутилган.
