Электрон тўлов – 2 минг сўм, нақд тўлов эса 2 600 сўм
Тошкент вилоятида жамоат транспорти йўлкира тарифлари янгиланди.
Тошкент вилоятида жамоат транспортида йўлкира учун янги тарифлар тасдиқланди. Бу ҳақдаги қарор Халқ депутатлари Тошкент вилояти кенгаши томонидан 2026 йил 20 июль куни қабул қилинди.
Қарорга мувофиқ, жамоат транспортида электрон тўлов тизимидан фойдаланишни рағбатлантириш мақсадида йўлкира тарифлари қайта кўриб чиқилди.
Янги тартибга кўра:
-
транспорт ёки банк карталари орқали электрон тўлов амалга оширилганда бир марталик йўлкира 2 000 сўм этиб белгиланди;
-
нақд пулда тўлов учун тариф электрон тўлов нархидан 30 фоиз юқори — 2 600 сўм этиб тасдиқланди;
-
бир йўловчининг юкини ташиш хизмати учун ҳам 2 600 сўм миқдорида тўлов ундирилади.
Шунингдек, қарор билан соатлик, кунлик, уч ойлик, олти ойлик ва йиллик чекланмаган тариф режаларини жорий этиш белгиланди.
Ҳужжатга кўра, Тошкент вилояти шаҳарларида брутто-шартнома асосида фаолият юритаётган барча шаҳар автобусларида нақд пульсиз тўлов тизими босқичма-босқич тўлиқ жорий этилади.
Бундан ташқари, Ангрен, Бекобод, Олмалиқ, Оҳангарон, Нурафшон, Чирчиқ ва Янгийўл шаҳарларида инфокиосклар ўрнатилиб, улар орқали транспорт карталарини сотиб олиш ва тўлдириш имконияти яратилади.
Мазкур қарор расман эълон қилинган кундан бошлаб кучга кирган.
