Эрон дронлари Иорданияга ҳужум қилди
Иордания ҳарбийлари мамлакат ҳаво ҳудудига кирган бешта Эрон дронини уриб туширганини маълум қилди.
Иордания Қуролли кучлари 21 июль куни мамлакат шимоли ва марказий ҳудудлари томон учиб келаётган бешта учувчисиз учиш аппарати ҳаво мудофаа тизимлари томонидан йўқ қилинганини маълум қилди. Расмийларга кўра, дронлар Эрон томонидан учирилган бўлиб, улар мамлакат ҳаво ҳудудига хавф туғдирган. Бу ҳақда АPnews хабар берди.
Иордания армияси дронлар уриб туширилиши натижасида ҳеч ким жабрланмагани ва инфратузилмага зарар етмаганини билдирган. Ҳарбийлар мамлакат ҳаво ҳудудини ҳимоя қилиш бўйича барча зарур чоралар кўрилаётганини, ҳар қандай таҳдидга тезкор жавоб қайтарилишини таъкидлаган.
Мамлакат ҳудудида АҚШ ҳарбий базалари жойлашгани боис у бир неча бор ракета ва дрон ҳужумлари хавфига дуч келган. Уммон расмийлари эса можаронинг бирор томонини қўлламаслигини, асосий мақсади мамлакат хавфсизлигини таъминлаш эканини билдирган.
Айни пайтда АҚШ ва Эрон ўртасидаги қарама-қаршилик Ҳормуз бўғози ва Форс кўрфази атрофида давом этмоқда. Томонлар ўзаро ҳаво ҳужумлари ва таҳдидларни кучайтираётган бир вақтда минтақадаги бошқа давлатлар ҳам хавфсизлик чораларини кучайтирмоқда.
