Тошкентда алиментдан қарздор ота чойхонадан топилди
Маълум бўлишича, сирдарёлик қарздор ота Тошкентда топилган, алимент қарзини иш берувчи тўлаб берган.
Суд қарорига мувофиқ қарздор Б.О. дан вояга етмаган фарзандининг моддий таъминоти учун алимент ундириш ҳақидаги ижро ҳужжати бўйича Мажбурий ижро бюросининг Сирдарё туман бўлими томонидан ижро ҳаракатлари олиб борилди.
Қарздор суд қарори мазмуни билан таништирилган бўлишига қарамасдан, белгиланган алимент тўловларини амалга оширмаган ҳамда давлат ижрочисидан яшириниб юрганлиги сабабли унга нисбатан қидирув эълон қилинган.
Қидирув тадбирлари давомида қарздорнинг Тошкент шаҳри Мирзо Улуғбек туманида жойлашган чойхонада меҳнат фаолияти олиб бораётгани аниқланган ва у шу ердан топилган.
Мазкур чойхона раҳбари ходимининг 10 миллион сўм миқдоридаги алимент қарздорлигини тўлаб берган.
Шундан сўнг алимент қарзи тўлиқ қоплангани инобатга олиниб, қарздор расман огоҳлантирилган ҳамда унга нисбатан эълон қилинган қидирув тугатилган.
