Тошкентда солиқ қарзи сабаб 3 та машина хатланди
Маълум бўлишича, қарздор МЧЖнинг солиқдан 69 млн қарзи бўлган.
Яшнобод туман солиқ инспекциясининг қарорларига асосан қарздор «Н.Г.Т.» МЧЖдан жами 69 727 426 сўм миқдоридаги солиқ қарздорлигини ундириш тўғрисидаги ижро ҳужжатлари юзасидан ижро ишлари қўзғатилган.
Қарздорга қарздорликни ихтиёрий равишда қоплаш учун қонунчиликда белгиланган муддат берилган ҳамда бу ҳақда бир неча маротаба расмий равишда огоҳлантирилган. Бироқ белгиланган муддатда солиқ қарзи тўланмаганлиги сабабли мажбурий ижро ҳаракатлари амалга оширилган.
Ижро ҳаракатлари давомида қарздорга тегишли 11 та автотранспорт воситасига тақиқ қўйилиб, қидирув эълон қилинган. Шунингдек, қарздорга тегишли 3 та автотранспорт воситаси аниқланиб, хатланди ва вақтинчалик сақлаш учун жарима майдончасига жойлаштирилди.
