Самарқандда ЙПХ машинаси одам уриб юборди
Ҳодиса оқибатида 75 ёшли пиёда вафот этган.
Кеча, 21 июль куни Самарқанд вилояти Самарқанд шаҳрида ЙПХ машинаси пиёдани уриб юборди. Ҳолат юзасидан вилоят ИИБ ЙҲХБ маълумот берди.
Қайд этилишича, соат 18:15 ларда Самарқанд шаҳри “Шаббод” кўчасида ЙПХ ходими ўзига бириктирилган “Tracker” русумли патруль автомобилини бошқариб кетаётиб, белгиланмаган жойдан йўлни кесиб ўтаётган пиёда, 1951 йилда туғилган С.А.ни уриб юборган.
Ҳодиса оқибатида пиёда олган тан жароҳатлари сабабли воқеа жойида вафот этган.
Мазкур ҳолат юзасидан Самарқанд шаҳар Прокуратураси томонидан терговга қадар текширув ҳаракатлари олиб борилмоқда.
