Тошкенда уй ёниб кетди
Ёнғин оқибатида жабрланганлар қайд этилмаган.
Тошкент шаҳрининг Янгиҳаёт туманида хусусий хонадонда юз берган ёнғин қисқа вақт ичида бартараф этилди.
Фавқулодда вазиятлар хизматига кўра, 22 июль куни соат 12:00 да Янгиҳаёт тумани Қипчоқ кўчасида жойлашган хусусий хонадонда ёнғин содир бўлгани ҳақида хабар келиб тушган.
Қутқарув экипажлари воқеа жойига соат 12:09 да етиб бориб, ёнғинни ўчириш ишларини бошлаган. Ёнғин соат 12:29 да тўлиқ бартараф этилган.
Маълум қилинишича, ҳодиса оқибатида тан жароҳати олган фуқаролар йўқ.
Ҳозирда ёнғиннинг келиб чиқиш сабаби ҳамда етказилган моддий зарар миқдори аниқланмоқда.
