Зеленский Украина Қуролли кучлари бош қўмондонини алмаштирди
Украина армияси раҳбариятида кадрлар ўзгариши амалга оширилмоқда.
Украина президенти Владимир Зеленский Украина Қуролли кучлари бош қўмондони лавозимига Михайло Драпатийни тайинлаш тўғрисида қарор қабул қилинганини маълум қилди.
Зеленскийнинг билдиришича, амалдаги бош қўмондон Олександр Сирский билан ваколатларни тартибли равишда топшириш масаласи муҳокама қилинган. Шунингдек, Украина Қуролли кучлари Бош штабининг янги таркиби Михайло Драпатий, Евгений Хмара ва Павло Палиса иштирокида шакллантирилиши режалаштирилган.
Украина раҳбари барча кадрлар бўйича тегишли фармонлар 22 июль куни расман имзоланишини маълум қилган.
Бундан ташқари, Зеленский собиқ мудофаа вазири Михайло Федоровга мамлакатнинг технологик ривожланиши билан боғлиқ йўналишда ҳукуматдаги юқори лавозим таклиф этилганини билдирган.
Кейинчалик президент маслаҳатчиси Дмитрий Литвин Зеленский ва Федоров ўртасидаги музокаралар давом этишини тасдиқлаган.
Федоров эса Драпатийнинг бўлажак тайинловини табриклаб, уни Украина армияси учун “янги нафас ва янги умид” дея баҳолаган. У, шунингдек, Олександр Сирский билан телефон орқали мулоқот қилиб, унинг хизматлари учун миннатдорлик билдирганини маълум қилган.
