Илмий мақолангизни халқаро журналда чоп этмоқчимисиз? Амалий семинар ташкил этилади
Scopus ва Web of Science нашрлари учун 3 кунлик амалий тренинг бўлиб ўтади.
Миллий биофармацевтика илмий-тадқиқот институти (МБФИТИ) томонидан Scopus ва Web of Science базаларида индексланган халқаро журналларда илмий мақолаларни нашр этиш бўйича 3 кунлик амалий семинар ташкил этилмоқда.
Семинар давомида иштирокчилар Scopus ва Web of Science базаларининг имкониятлари, халқаро стандартлар асосида илмий мақола ёзиш, IMRAD форматида мақола тайёрлаш, тадқиқот учун мос журнални танлаш ҳамда мақолани журналга топшириш (submission) жараёнини босқичма-босқич ўрганади.
Шунингдек, тренингда peer-review жараёни, экспертларнинг изоҳларига профессионал жавоб ёзиш, илмий этика, плагиат ва муаллифлик ҳуқуқи бўйича амалий тавсиялар берилади.
Семинарда тиббиёт ва фармация соҳаси мутахассислари, илмий ходимлар, клиник тадқиқотчилар, профессор-ўқитувчилар, магистратура талабалари, PhD ва DSc изланувчилари, ёш олимлар ҳамда илмий мақолаларини халқаро журналларда чоп этишни истаган барча қизиқувчилар иштирок этиши мумкин.
Сана: 27–29 июль
Вақти: 10:00
Манзил: BioPharma City мажлислар зали.
