Чирчиқда Lacetti дарахтга урилди, ҳайдовчи ҳалок бўлди
Автомобилда бўлган йўловчилар эса шифохонага олиб борилган.
Тошкент вилоятининг Чирчиқ шаҳрида Lacetti русумли автомобиль иштирокида содир бўлган йўл-транспорт ҳодисаси оқибатида ҳайдовчи ҳалок бўлди.
Тошкент вилояти Йўл ҳаракати хавфсизлиги бошқармаси маълум қилишича, ҳодиса 24 июль куни соат тахминан 06:30 ларда Д006 «Тошкент–Чирчиқ–Чимён» автомобиль йўлининг 27-километрида содир бўлган.
Дастлабки маълумотларга кўра, 1995 йилда туғилган A.Д. бошқарувидаги Lacetti русумли автомобиль ҳаракатланаётган вақтда ҳайдовчи руль бошқарувини йўқотган, натижада транспорт воситаси йўл четидаги дарахтга урилган.
Оқибатда ҳайдовчи олган тан жароҳатлари сабаб воқеа жойида вафот этган. Автомобилда бўлган йўловчилар эса Чирчиқ шаҳар тиббиёт бирлашмасига етказилган.
Мазкур ҳолат юзасидан Чирчиқ шаҳар ИИБ томонидан тергов ҳаракатлари олиб борилмоқда.
