“Испания адолатли ғалаба қозонди” - АFА президенти
У мухлисларни натижани қабул қилишга ва жамоани қўллаб-қувватлашда давом этишга чақирди.
Аргентина футбол ассоциацияси президенти Клаудио Тапия ЖЧ–2026 финали юзасидан баёнот бериб, Испаниянинг ғалабаси адолатли бўлганини таъкидлади. Унинг айтишича, финалдаги мағлубият оғриқли бўлсада, натижани ҳакамнинг баҳсли қарорлари билан изоҳлаш тўғри эмас.
“Биз мағлуб бўлдик, аммо футбол шундай ўйин. Испания адолатли ғалаба қозонди. Уларни табриклаймиз. Биз эса бошимизни баланд кўтариб, олдинга қарашимиз керак”, деган Тапия.
Сўнгги кунларда ижтимоий тармоқларда ЖЧ финалини қайта ўтказиш талаби билан петиция тарқалиб, минглаб аргентиналик мухлислар ҳакам Славко Винчичнинг айрим қарорларидан норози эканини билдирган эди. Бироқ АFА раҳбари бундай ташаббусни қўллаб-қувватламаслигини маълум қилди.
Тапиянинг таъкидлашича, Аргентина терма жамоаси финалда бор кучини ишга солган, аммо бу сафар рақиб устун келган. У футболчилар, мураббийлар штаби ва мухлисларга турнир давомида кўрсатган қўллаб-қувватлови учун миннатдорлик билдириб, жамоа янада кучлироқ боʼлиб қайтишига ишонч билдирди.
