Танзила Норбоева “Эл-юрт ҳурмати” ордени билан мукофотланди
Олий Мажлис Сенати раиси давлат ва жамият бошқаруви, парламент фаолиятини ривожлантириш ҳамда демократик ислоҳотларни амалга оширишдаги хизматлари учун ҳамда таваллудининг 70 йиллиги муносабати билан тақдирланди.
Ўзбекистон Президенти Шавкат Мирзиёевнинг фармони билан Олий Мажлис Сенати Раиси Танзила Норбоева “Эл-юрт ҳурмати” ордени билан мукофотланди.
Фармонда қайд этилишича, Танзила Норбоева давлат ва жамият бошқаруви соҳасидаги кўп йиллик самарали меҳнати, Янги Ўзбекистонда парламент фаолиятини ривожлантириш, демократик ислоҳотларни изчил амалга оширишдаги алоҳида хизматлари учун ҳамда таваллудининг 70 йиллиги муносабати билан тақдирланди.
Шунингдек, унинг миллий давлатчиликнинг ҳуқуқий асосларини мустаҳкамлаш, инсон қадрини улуғлаш, аёлларнинг жамиятдаги ўрни ва нуфузини юксалтиришга қаратилган устувор вазифалар ижросига қўшган ҳиссаси, ёш авлодни ватанпарварлик руҳида тарбиялаш ҳамда мамлакат ижтимоий-сиёсий ҳаётидаги фаол иштироки эътироф этилган.
