АҚШнинг Сиетл штатида отишма содир бўлди, икки киши вафот этди
Жароҳатланганлардан тўрт нафари шифохонага ётқизилган, улардан бирининг аҳволи оғир экани маълум қилинди.
АҚШнинг Сиетл шаҳрида ўтказилган озиқ-овқат фестивали вақтида содир бўлган отишма оқибатида икки киши ҳалок бўлди, яна беш киши жароҳатланди.
Маҳаллий ҳокимият маълумотларига кўра, ҳодиса якшанба куни кечқурун Сиетл марказида юз берган. Икки киши воқеа жойида ҳалок бўлган, тўрт нафар жабрланувчи шифохонага ётқизилган. Енгил жароҳат олган яна бир киши эса шифохонага ётқизилишдан бош тортган.
Ҳарборвиев тиббиёт маркази вакили Сюзан Греггнинг маълум қилишича, шифохонага бир нафар бола, бир эркак ва икки аёл олиб келинган. Улардан бирининг аҳволи оғир деб баҳоланмоқда.
Сиетл полиция бошқармаси ҳодиса юзасидан тергов бошлаган. Гумондор ёки гумондорларнинг шахси ҳамда воқеа сабаблари ҳозирча ошкор этилмаган.
Отишмадан сўнг хавфсизлик нуқтаи назаридан Сиетл марказий монорелси вақтинча фаолиятини тўхтатган.
