Екатеринбург аэропортидаги чекловлар туфайли Наманган рейси жадвали янгиланди
Айрим рейслар Челябинск захира аэропортига йўналтирилди ва қатновлар жадвали вақтинча ўзгартирилди.
Екатеринбург аэропортида жорий этилган вақтинчалик чекловлар муносабати билан Uzbekistan Airways'нинг HY9829/9830 рейслари жадвали ўзгартирилди.
Авиакомпания маълум қилишича, 2026 йил 27 июль куни HY9829 рейси Екатеринбург ўрнига Челябинск захира аэропортига йўналтирилган. Шу сабабли мазкур йўналишдаги қатновлар ўзгартирилган жадвал асосида амалга оширилади.
Янгиланган жадвалга кўра:
-
HY9829 рейси Челябинскдан соат 11:00 да жўнаб, 11:30 да Екатеринбургга етиб боради.
-
HY9830 рейси эса Екатеринбургдан соат 13:00 да жўнаб, 16:10 да Наманган шаҳрига етиб келади.
Авиакомпания йўловчилар ва кутиб олувчилардан қатнов вақтидаги ўзгаришларни инобатга олишни ҳамда аэропортга белгиланган жадвал асосида келишни сўради.
