Энергетика вазири Жўрабек Мирзамаҳмудов лавозимидан озод этилди
Президент фармони билан Шерзод Ходжаев энергетика вазири этиб тайинланди.
Ўзбекистон Президентининг тегишли фармонлари билан Энергетика вазирлигида кадрлар ўзгариши амалга оширилди.
Фармонга мувофиқ, Шерзод Хикматуллаевич Ходжаев Ўзбекистон Республикаси энергетика вазири этиб тайинланди. Шу муносабат билан у Ўзбекистон Республикаси Энергетика бозорини ривожлантириш ва тартибга солиш агентлиги директори лавозимидан озод этилди.
Қайд этилишича, мазкур тайинловдан аввал Шерзод Ходжаевнинг номзоди Олий Мажлис Қонунчилик палатаси депутатлари томонидан маъқулланган эди.
Шунингдек, Президент фармони билан Жўрабек Турсунпулатович Мирзамаҳмудов Ўзбекистон Республикаси энергетика вазири лавозимидан озод этилди.
