Тошкентда солиқ қарзи сабаб қарздорнинг машинаси хатланди
Шундан сўнг қарздор корхона солиқ қарзини тўлашга мажбур бўлган.
Мажбурий ижро бюросининг Яшнобод туман бўлими иш юритувида Тошкент шаҳар Давлат солиқ бошқармасининг бир нечта қарорларига асосан қарздор «A.d.» МЧЖдан Тошкент шаҳар Давлат солиқ бошқармаси фойдасига жами 166 миллион сўм солиқ қарздорлигини ундиришга оид ижро ҳужжатлари мавжуд эди.
Давлат ижрочиси томонидан қонунчилик талабларига мувофиқ олиб борилган ижро ҳаракатлари давомида қарздорга қарздорликни ихтиёрий равишда бартараф этиш учун имконият берилган. Бироқ белгиланган муддатда қарздорлик қопланмаганлиги сабабли, қарздорга тегишли электромобиль хатланиб, электрон онлайн-аукцион савдоларига чиқарилди.
Мажбурий ижро чоралари қўлланилиб, автотранспорт воситаси аукционга чиқарилганидан сўнг, қарздор томонидан жами 166 миллион сўм солиқ қарздорлиги тўлиқ қопланди. Шундан сўнг ижро ҳаракатлари қонунчиликда белгиланган тартибда якунланди.
