Жиззахда қарздорлик сабаб 308 млн сўмлик KIA хатланди
Маълум бўлишича, қарздор суд ҳужжатлари талабларини ихтиёрий тарзда бажарилмаган.
Мажбурий ижро бюроси Жиззах шаҳар бўлими давлат ижрочилари томонидан суд ҳужжатлари ва бошқа ваколатли органлар қарорлари ижросини таъминлаш юзасидан навбатдаги ижро ҳаракатлари амалга оширилди.
Ижро иши доирасида қарздорнинг мажбуриятларини бажармаганлиги сабабли 308 миллион сўм баҳоланган, гаров таъминоти сифатида расмийлаштирилган KIA K8 русумли автомашинаси хатланди. Амалдаги қонунчилик талабларига мувофиқ, мазкур транспорт воситаси сақловга олиниб, белгиланган тартибда жарима майдонига жойлаштирилди.
Мазкур ижро ҳаракати қарздор томонидан суд ҳужжатлари талабларининг ихтиёрий тарзда бажарилмаганлиги оқибатида амалга оширилди. Қарздор белгиланган муддатларда қарздорликни тўлиқ қопламаган тақдирда, амалдаги қонунчиликка мувофиқ хатланган мол-мулкни баҳолаш ва реализация қилиш орқали ундирувчи манфаатини таъминлаш чоралари кўрилади.
