Сурхондарёда ота 9 ёшли қизига мол тезагини мажбуран едирди
Ижтимоий тармоқларда тарқалган видеога вилоят ИИБ расмий муносабат билдирди.
Ижтимоий тармоқларда Сурхондарё вилояти Қумқўрғон туманида ота вояга етмаган қизига нисбатан зўравонлик қилиб, уни мол гўнгини мажбуран едиргани акс этган видеотасвир тарқалди.
Сурхондарё вилояти Ички ишлар бошқармаси маълум қилишича, ижтимоий тармоқларда тарқалган видеода акс этган ҳолат юзасидан текширув ўтказилган.
Аниқланишича, жорий йилнинг 25 июль куни Қумқўрғон туманида яшовчи аёл мурожаат қилиб, турмуш ўртоғи — 1993 йилда туғилган Ч. Б. вояга етмаган қизини қийнаётганини билдирган.
Ўрганишлар давомида видеотасвир 2025 йил 30 декабрь куни олингани, унда ота вояга етмаган қизига нисбатан зўравонлик ва номақбул ҳаракатлар содир этгани, кейинчалик эса ушбу тасвир ижтимоий тармоқларда тарқатилгани аниқланган.
Мазкур ҳолат юзасидан Қумқўрғон тумани ИИБ ҳузуридаги Тергов бўлинмаси томонидан Жиноят кодексининг 110-моддаси 2-қисми «а» банди (қийнаш) билан жиноят иши қўзғатилди.
Гумонланувчи процессуал тартибда ушланган. Ҳозирда жиноят иши доирасида дастлабки тергов ҳаракатлари давом эттирилмоқда.
