Жиззахда она-болалар МИБ орқали яшаш хонадонига қайтди
Маълум бўлишича, она ва унинг уч нафар болалари турмуш ўртоғининг уйига киритилмаётган бўлган.
Мажбурий ижро бюросининг Пахтакор туман бўлими иш юритувида бўлган фуқаро М.Р.ни уч нафар вояга етмаган фарзанди билан яшаш хонадонига киритиш тўғрисидаги ижро ҳужжати бўйича белгиланган ижро ҳаракатлари тўлиқ амалга оширилиб, суд қарори амалда таъминланди.
Ижро жараёнида давлат ижрочиси томонидан суд ҳужжатининг талаблари барча иштирокчиларга тушунтирилиб, қарорни ихтиёрий равишда бажариш учун қонунчиликда назарда тутилган имкониятлар яратилди. Бироқ белгиланган муддатда суд қарори ижро этилмагани боис, мажбурий ижро чоралари қўлланилди.
Олиб борилган ижро ҳаракатлари натижасида фуқаро М.Р. ҳамда унинг уч нафар фарзанди қонуний равишда яшаш хонадонига киритилди. Шу тариқа суд ҳужжатида белгиланган талаблар тўлиқ таъминланиб, мазкур ижро ишининг ижроси амалда тамомланди.
