Академик лицейларга кириш тести натижалари эълон қилинди
Имтиҳон натижасидан норози бўлган абитуриентлар уч иш куни ичида апелляция шикояти бериши мумкин.
2026/2027-ўқув йили учун республика олий таълим муассасалари тасарруфидаги академик лицейларга кириш имтиҳонларининг якуний натижалари (мандат) эълон қилинди.
Эндиликда абитуриентлар ўз натижаларини my.edu.uz ҳамда my.gov.uz порталларидаги шахсий кабинетлари орқали кўришлари мумкин. Бунинг учун MyGov портали ёки мобил иловасидаги “Шахсий кабинет”га кириб, “Менинг аризаларим” бўлимида академик лицейга қабул бўйича юборилган аризани очиш кифоя.
Қабул натижалари абитуриент тўплаган балл ва аризада кўрсатилган устуворлик асосида шакллантирилган. Яъни, ўқувчилар тўплаган баллига қараб ўзлари танлаган устувор академик лицейга қабул қилинади.
Шунингдек, белгиланган тартибга мувофиқ, тест натижаларидан норози бўлган абитуриентлар якуний натижалар эълон қилинган кундан бошлаб уч иш куни ичида my.edu.uz сайтидаги шахсий кабинети орқали электрон шаклда апелляция шикоятини юбориши мумкин.
Вазирлик академик лицейларга қабулда устуворлик тамойили бўйича батафсил маълумот билан алоҳида шарҳ орқали танишиш мумкинлигини ҳам маълум қилди.
