Самарқандда санитария хулосаси эвазига пора талаб қилган мансабдор ушланди
У тадбиркордан санитария-эпидемиологик хулосани расмийлаштириб бериш эвазига 9 млн сўм талаб қилган.
Самарқанд вилоятида санитария-эпидемиологик хулосани расмийлаштириш эвазига ноқонуний пул талаб қилган мансабдор шахс қўлга олинди. Бу ҳақда ДХХ хабар берди.
Аниқланишича, Тойлоқ тумани Санитария-эпидемиологик осойишталик ва жамоат саломатлиги бўлими бўлинма бошлиғи ўзининг мансабдор танишлари орқали якка тартибдаги тадбиркорга тегишли нон ва нон маҳсулотлари ишлаб чиқариш цехи учун санитария-эпидемиологик хулосани расмийлаштириб беришни ваъда қилган.
Бунинг эвазига у 9 млн сўм талаб қилган. Гумонланувчи аввал 100 АҚШ доллари ва 500 минг сўм олган бўлса, тезкор тадбир давомида сўралган маблағнинг бир қисми бўлган 400 АҚШ долларини олаётган вақтида ашёвий далиллар билан ушланган.
Мазкур ҳолат юзасидан гумонланувчига нисбатан жиноят иши қўзғатилди. Ҳозирда тергов ҳаракатлари давом эттирилмоқда
