Тошкентда тунги рейд пайти қарздорнинг машинаси хатланди
Маълум бўлишича, МЧЖнинг банкдан 15 млн қарзи бўлган.
Мажбурий ижро бюроси Мирзо Улуғбек туман бўлими иш юритувида жиноят ишлари бўйича Қибрай туман судининг 2026 йил 10 июлдаги ижро варақасига асосан қарздор “M.G.” МЧЖдан ундирувчи Д.Д. фойдасига 15 962 805 сўм миқдорида моддий зарар ундириш тўғрисидаги ижро ҳужжати мавжуд.
Мажбурий ижро ҳаракатлари давомида қарздор корхонага тегишли бўлган “GAC AION S Plus” русумли автотранспорт воситаси мавжудлиги аниқланиб, унга нисбатан қидирув эълон қилинган.
Тошкент шаҳар ИИББ ЙҲХББ органлари билан ҳамкорликда ўтказилган тадбирлар натижасида мазкур автотранспорт воситаси ушланиб, жарима майдончасига жойлаштирилди.
Фуқаро фойдасига белгиланган моддий зарарни ундиришни таъминлаш мақсадида қарздор корхонага тегишли ушбу автотранспорт воситасига нисбатан қонунчиликда белгиланган тартибда мажбурий ижро чоралари қўлланилди.
Айни пайтда ушбу автотранспорт воситасини белгиланган тартибда аукцион савдоларига чиқариш бўйича тегишли чора-тадбирлар амалга оширилмоқда.
