Тошкентда 3 августгача айрим йўллар ёпилади
Мустақиллик шоҳ кўчасининг иккинчи қисмида асфальт ётқизиш ишлари якунланaди.
Тошкент шаҳридаги Мустақиллик шоҳ кўчасининг иккинчи босқичида асфальт ётқизиш ишларини якунлаш муносабати билан айрим йўлларда транспорт ҳаракати вақтинча чекланади.
2026 йил 31 июль соат 23:00 дан 3 август соат 22:00 га қадар қуйидаги участкаларда барча турдаги транспорт воситалари ҳаракати тўхтатилади:
- Оққўрғон кўчаси — Мустақиллик шоҳ кўчаси кесишмасидан Осиё кўчаси кесишмасигача;
- Паркент кўчаси — Мустақиллик шоҳ кўчаси кесишмасидан Паркент-2 кўчаси кесишмасигача.
Қайд этилишича, чекловлар асфальт ётқизиш ишларини сифатли ва хавфсиз якунлаш, йўл инфратузилмасини босқичма-босқич такомиллаштириш ҳамда транспорт ҳаракати хавфсизлигини таъминлаш мақсадида жорий этилган.
Мутасаддилар ҳайдовчилардан юзага келиши мумкин бўлган ноқулайликлар учун узр сўраб, ҳаракат йўналишларини олдиндан режалаштиришни тавсия қилди.
