Хоразмда 1,6 млрд сўмлик ноқонуний крипто-актив савдоси фош этилди
Ҳозирда ҳолат юзасидан жиноят иши қўзғатилиб, дастлабки тергов ҳаракатлари ўтказилмоқда.
Хоразм вилоятида ўтказилган тезкор-қидирув тадбирлари давомида ноқонуний крипто-активлар савдоси билан шуғулланиб келган шахс фаолиятига чек қўйилди. Бу ҳақда вилоят ИИБ хабар берди.
Маълум қилинишича, 2002 йилда туғилган, Хоразм вилояти Янгиариқ туманида яшовчи фуқаро мобил телефонига Мехс ва Bitget платформаларини ўрнатиб, улар орқали жами 1 миллиард 677 миллион сўм миқдоридаги ноқонуний крипто-активлар савдоси операцияларини амалга ошириб келган.
Мазкур ҳолат юзасидан Жиноят кодексининг 278-8-моддаси 3-қисми «а» банди билан жиноят иши қўзғатилиб, дастлабки тергов ҳаракатлари олиб борилмоқда.
