Фарғонада 5 йил давом этган ноқонуний қурилиш тўхтатилди
Қурилиш Президент Администрацияси раҳбари ташаббуси билан олиб борилган ишлар доирасида демонтаж қилинди.
Фарғона вилояти Фарғона шаҳри Шодиёна кўчасида узоқ йиллардан буён аҳоли эътирозларига сабаб бўлиб келган ноқонуний қурилиш демонтаж қилинди.
Маълум қилинишича, мазкур объект қарийб беш йил давомида ҳудуд аҳолисига ноқулайлик туғдириб келган. Фуқароларнинг кўплаб мурожаатларига қарамай, қурилиш ишлари давом эттирилган.
Кўрилган чоралар натижасида ноқонуний қурилиш бузиб ташланди. Ушбу ишлар Президент Администрацияси раҳбари Саида Мирзиёева илгари сурган аҳоли учун қулай шаҳар муҳитини яратиш, ноқонуний қурилишларнинг олдини олиш ҳамда болалар учун замонавий ўйин майдончаларини барпо этиш ташаббуслари доирасида амалга оширилди.
Ҳудуд аҳолиси амалга оширилган ишлардан мамнунлигини билдириб, масалага эътибор қаратилгани учун миннатдорлик изҳор қилган.
